DIPLOMATIK PROTOKOL WE ETIKET BARADA GEÇIRILEN OKUW SAPAGY
2023-nji ýylyň 17-nji oktýabrynda Türkmenistanyň Daşary işler ministrliginiň Halkara gatnaşyklary institutynda amerikan bilermeni Jon Simpsonyň gatnaşmagynda Halkara gatnaşyklary fakultetiniň talyplarynyň arasynda diplomatik protokol we etiket barada okuw sapagy geçirildi.
Bu okuw sapagynyň dowamynda amerikan bilermeni talyplara diplomatik protokolyň we etiketiň inçe syrlary barada gyzykly gürrüňleri berdi we diplomatiýanyň ýörelgelerini berjaý etmekligiň, edep-terbiýäniň halklaryň arasyndaky gatnaşyklarda möhüm orun tutýandygyny belledi.
Okuw sapagynyň ahyrynda talyplar bilermen Jon Simpsona özlerini gyzyklandyrýan soraglaryny bermek bilen bu ugurda bilimlerini artdyrdylar we hormatly myhmana hoşallyk bildirdiler.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.