“YGRAR ATAŞY” ATLY SAHNA OÝNY GÖRKEZILDI
Mälim bolşy ýaly, 2022-nji ýylyň 21-25-nji maýy aralygynda paýtagtymyz Aşgabat şäherinde “Türkmen teatr sungaty” atly festiwal geçirilýär. Festiwalyň çäginde 22-nji maýda Türkmenistanyň Alp Arslan adyndaky milli drama teatrynda Daşoguzyň N.Andalyp adyndaky döwlet sazly drama teatrynyň sungat işgärleriniň ýerine ýetirmeginde “Ygrar ataşy” atly sahna oýny görkezildi. Ýurdumyzyň medeniýet we sungat işgärleriniň, teatr wekilleriniň, döredijilik toparlarynyň we Türkmenistanyň Daşary işler ministrliginiň Halkara gatnaşyklary institutynyň talyp ýaşlarynyň gatnaşmagynda tomaşa edilen ajaýyp sahna oýny aýratyn mana eýe boldy. Ykbalyny sahna sungatyna bagyşlan ýaş hem-de halypa artistleriň ýerine ýetirmeginde görkezilen ajaýyp sahna eseri Gahryman Arkadagymyzyň kitaplaryndan ugur alnyp, milli mirasymyzyň ähmiýeti sahnada aýdyň beýan edildi. Aýratyn hem Amul galasy milli küllalçylyk sungatymyzyň, milliligimiziň waspyny şöhlelendirýän wakanyň çeper sazlaşygy tomaşaçylarda aýratyn täsir galdyrdy.
Aýsenem ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 4-nji ýyl talyby.