ÝEWROPA BILELEŞIGINIŇ TÜRKMENISTANDAKY ILÇISINIŇ OKUW SAPAGY
2025-nji ýylyň 18-nji noýabrynda Türkmenistanyň Daşary işler ministrliginiň Halkara gatnaşyklary institutynda Ýewropa Bileleşiginiň Türkmenistandaky ilçisi hanym Beata Peksa "Sebitleýin durnuklylygy berkitmek: Ýewropa Bileleşiginiň (ÝB) Merkezi Aziýa üçin strategiýasy we hereketleri" atly okuw sapagyny geçirdi. Oňa institutymyzyň professor-mugallymlary we talyplary gatnaşdylar.
Okuw sapagynyň dowamynda Ýewropa Bileleşiginiň Türkmenistandaky ilçisi hanym Beata Peksa Ýewropa Bileleşiginiň daşary syýasaty, onuň gurluşy, Merkezi Aziýa boýunça alyp barýan işleri hem dürli pudaklarda dowam edýän taslamalary barada giňişleýin maglumat berdi. Şeýle hem ol Merkezi Aziýa bilen Ýewropa Bileleşiginiň arasyndaky hyzmatdaşlygyň has-da ösýändigi barada belläp geçdi.
Okuw sapagynyň ahyrynda oňa gatnaşyjylar Ýewropa Bileleşiginiň Türkmenistandaky ilçisi hanym Beata Peksadan Türkmenistan bilen Ýewropa Bileleşiginiň arasyndaky dostlukly we özara bähbitli hyzmatdaşlygy has-da ösdürmäge gönükdirilen sowallara jogap aldylar.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.