ÝEWROPA BILELEŞIGI BILEN MERKEZI AZIÝA DÖWLETLERINIŇ YLMY WE INNOWASIÝA HYZMATDAŞLYGY BOÝUNÇA WEBINAR
2025-nji ýylyň 4-nji dekabrynda Ýewropa Komissiýasynyň global hyzmatdaşlyk guramasynyň guramagynda Merkezi Aziýa döwletleriniň «Horizon Europe» maksatnamasy esasynda webinar geçirildi. Oňa Merkezi Aziýanyň birnäçe ýokary okuw mekdepleriniň professor-mugallymlary, ylmy işgärleri, şeýle-de talyplary gatnaşdylar.
Webinaryň dowamynda «Horizon Europe» maksatnamasynyň alyp barýan işi, dürli gözleg ugurlarynda goşmaça maliýe mümkinçiliklerine gönükdirilen 2026-2027-nji ýyllar üçin «Horizon Europe» iş meýilnamasy barada giňişleýin tanyşdyryldy. Şeýle-de maksatnamanyň çäklerinde ykdysady ösüşi, ekologiýa howpsuzlygyny, döwrebap innowasiýalary ösdürmäge gönükdirilen taslamalaryň mümkinçilikleri dogrusynda bellenilip geçildi.
Çykyş edenler webinara gatnaşyjylara «Horizon Europe» maksatnamasy barada giňişleýin maglumat bermek bilen, onuň geljekki iş maksatnamalary, dürli ylmy ugurlar boýunça goşmaça maliýeleşdiriş mümkinçilikleri barada giňişleýin gürrüň berdiler.
Webinara gatnaşyjylar ylmy we innowasiýa ugurlarda halkara hyzmatdaşlygy giňeltmekde möhüm tejribe topladylar.
Annagül HEKIMOWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.