GARAŞSYZ, HEMIŞELIK BITARAP TÜRKMENISTANYŇ EKOLOGIÝA SYÝASATYNYŇ OŇYN TEJRIBESI ATLY OKUW-USULY SEMINAR GEÇIRILDI
2026-njy ýylyň 22-nji oktýabrynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň uly mugallymy, filosofiýa ylymlarynyň kandidaty Ogulgurban Ezimowanyň alyp barmagynda «Garaşsyz hemişelik Bitarap Türkmenistanyň ekologiýa syýasatynyň oňyn tejribesi» atly tema bagyşlanan okuw-usuly seminar geçirildi.
Bu okuw-usuly seminaryň maksady ýaş nesliň arasynda ýurdumyzyň ekologiýa syýasatynyň ähmiýetini düşündirmek, tebigaty goramaga bolan söýgüni artdyrmak hem-de okuwçylaryň surat çekmek sungatyna bolan ukyplaryny ýüze çykarmakdan ybarat. Seminara hödürlenen işlerde Türkmenistanyň gözel tebigatyny, daşky gurşawyny goramak boýunça amala aşyrylýan döwlet maksatnamalary we arassaçylyk kadalary ýokary çeperçilik bilen beýan edildi. Ekologiýanyň jemgyýet bilen arabaglanyşygy Türkmenistanyň ekologiýa syýasatynda ilkinji başlangyçlary baradaky gürrüňdeşlikler seminara gatnaşyjylarda uly täsir galdyrdy.
Seminarda Milli Liderimiziň okuw sapagyndaky parasatly sözleri, watançylyk we edermenlik barada öwüt-nesihatlary dogrusynda giňişleýin gürrüň edilip, gyzykly sorag-jogap alyşmalar esasynda işjeň alnyp baryldy.
Medine HUDAÝBERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 1-nji ýyl talyby