Täze ýylyň şanyna baýramçylyk çäresiniň öwüşgini
2024-nji ýylyň 28-nji dekabrynda «Ýyldyz» myhmanhanasynda Hytaý Halk Respublikasynyň Türkmenistandaky ilçihanasynyň guramagynda Täze ýyl baýramçylygy mynasybetli «Hytaýyň tagamyndan lezzet almak — medeniýetiň özüne çekijiligini gözlemek» atly dabara geçirildi. Bu çärä hytaý dili boýunça bilim alýan Türkmenistanyň ýokary okuw mekdepleriniň talyplary we olary okadýan mugallymlar gatnaşdylar.
Bu şowhunly gurnalan baýramçylyk çäresi köp adamly boldy. Hytaý ülkesiniň tagamlar dünýäsi bilen tanyşlyk talyplarda, gelen myhmanlarda uly gyzyklanma döretdi. Milli tagamlaryň aýratynlygy, gelip çykyşy, medeniýeti boýunça özara ýörite sorag-jogap alşyldy. Edilen çykyşlar, aýdym-sazlar, gyzykly gürrüňler baýramçylyk çäresine gatnaşanlarda uly täsir galdyrdy.
Mähriban GELENOWA,
Türkmenistanyň Daşary işleri ministrliginiň
Halkara gatnaşyklary institutynyň uly mugallymy.