Täsirli geçen gülki agşamy
2025-nji ýylyň 21-nji fewralynda Türkmenistanyň Magtymguly adyndaky milli sazly drama teatrynda “Demir aýal” atly sahna oýny görkezildi. Oňa ýurdumyzyň medeniýet we sungat işgärleri, döredijilik toparlary we Türkmenistanyň Daşary işler ministrliginiň Halkara gatnaşyklary institutynyň talyp ýaşlary gatnaşdylar. Tomaşa edilen ajaýyp sahna oýny zenanlaryň durmuşdaky ornuny, maşgala agzalarynyň gündelik aladalaryny, birek-birege bolan hormatyň gymmatyny açyp görkezdi. Täsirli geçen gülki agşamynda ýerine ýetirilen sahna oýunlary tomaşaçylara ruhy lezzet, şatlyk duýgusyny paýlady we dowamly el çarpyşmalara mynasyp boldy.
Yslam ŞÜKÜROW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa
kafedrasynyň
mugallym-öwrenijisi.