“Taryh – geljege şamçyrag” atly bäsleşik geçirildi
2023-nji ýylyň 31-nji maýynda Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynynyň “Paýhas we parasat” gurnagynyň we institutyň Talyplar Geňeşiniň bilelikde gurnamagynda “Taryh – geljege şamçyrag” atly bäsleşik geçirildi. Bu bäsleşige institutda okaýan taýýarlygyň bakalawr ugry boýunça I ýyl talyplary gatnaşdylar. Bäsleşikde 6 talypdan ybarat bolan 4 topar çykyş etdi. Toparlar prezentasiýa bilen çykyş etmek, bir minutyň dowamynda soraglara iň köp jogap bermek, kartada döwletleriň ýerini belgilemek we ýene-de birnäçe şertler boýunça özara bäsleşdiler. Bäsleşik talyplaryň dünýä taryhy boýunça bilim derejesini barlamak, talyplaryň zehinlerini açyp görkezmek maksady bilen geçirildi.
Bäsleşigiň ahyrynda emin agzalaryň gelen netijelerine görä, Halkara žurnalistikasy fakultetiniň talyplary I orna, Halkara gatnaşyklary fakultetiniň talyplary II orna mynasyp boldular. Ýeňijiler gymmat bahaly sowgatlar bilen sylaglanyldy.
Sähra ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşykary fakultetiniň I ýyl talyby.