TALYPLARYMYZYŇ HALKARA OLIMPIADASYNDAKY ÜSTÜNLIGI
2024-nji ýylyň 20-nji noýabrynda Halkara Bitaraplyk güni mynasybetli Myrat Garryýew adyndaky Türkmenistanyň Döwlet lukmançylyk uniwersitetinde biologiýa dersi boýunça III Halkara internet olimpiadasy geçirildi. Halkara internet olimpiadasyna türkmen talyplary bilen bir hatarda dünýäniň 25 döwletinden, hususan-da Amerikanyň Birleşen Ştatlaryndan, Italiýadan, Awstriýadan, Şweýsariýadan, Niderlandlar Patyşalygyndan, Ispaniýadan, Polşadan, Horwatiýadan, Rumyniýadan, Latwiýadan, Türkiýeden, Hytaý Halk Respublikasyndan, Günorta Koreýadan, Hindistandan, Malaýziýadan, Eýran Yslam Respublikasyndan, Russiýa Federasiýasyndan, Belarus Respublikasydan, Ermenistandan, Ukrainadan, Gyrgyz Respublikasyndan, Özbegistandan, Gazagystandan we Täjigistandan 109 ýokary okuw mekdeplerinden 730-dan gowrak talyplar gatnaşdylar.
Ders bäsleşiginiň netijeleri boýunça 198 talyp ýeňiji diýlip yglan edilip, olardan 34-si I orny, 64-si II orny, 100-si III orny eýelediler. Buýsanç bilen belläp geçsek, Halkara olimpiadanyň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň II ýyl talyplary Sahydöwlet Hümmetjumaýew II orna we Taňryguly Geldimämmedow III orna mynasyp bolmagy başardylar. Biz hem öz gezegimizde talyp deň-duşlarymyzy gazanan halkara üstünligi bilen tüýs ýürekden gutlaýarys!
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.