«Talyp joşguny — 2023» döredijilik festiwaly
Berkarar döwletiň täze eýýamynyň Galkynyşy döwründe türkmen
halkynyň Milli Lideri Gahryman Arkadagymyzyň hem-de hormatly
Prezidentimiziň baştutanlygynda medeniýetimizi, sungatymyzy has-da
kämilleşdirmek babatda üstünlikli işler durmuşa geçirilýär. Munuň
şeýledigine, ýakynda aýdym aýtmak, tans etmek sungatynda ukyp-
başarnyklaryny ýüze çykarmak maksady bilen, ýurdumyzyň ýokary
okuw mekdepleriniň höwesjeň talyp ýaşlarynyň arasynda ýokary
derejede geçirilen «Talyp joşguny — 2023» atly döredijilik festiwaly
hem aýdyň şaýatlyk edýär.
Bu döredijilik festiwalynda Türkmenistanyň Daşary işler
ministrliginiň Halkara gatnaşyklary institutynyň höwesjeň talyp gyzlary
institutyň Halkara žurnalistikasy fakultetiniň I ýyl talyby Begnazar
Begnazarowyň ýerine ýetiren «Arzuwym» atly aýdymyna tanslary bilen
çykyş etdiler.
«Talyp joşguny — 2023» döredijilik festiwalynyň ahyrynda
guramaçylar topary tarapyndan institutymyzyň ilkinji Ýaşlar
guramasynyň başlygy Ismail Ýakubowa Hormat haty hem-de gymmat
bahaly sowgatlar gowşuryldy.
Ogulşirin GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.