TALYBYMYZYŇ GAZANAN ÜSTÜNLIKLERI
2024-nji ýylyň 7-nji iýunynda Türkmenistanyň Oguz han adyndaky Inžener--tehnologiýalar uniwersitetinde ýaşlaryň arasynda “Oguztaslama” atly innowasion tehnologiýa taslamalarynyň bäsleşigi geçirildi. Bu taslama bäsleşigine ýurdumyzyň dürli künjeklerinden mekdep okuwçylarynyň hem-de ýokary okuw mekdepleriniň talyplary 1000-den gowrak taslama işleri bilen gatnaşdylar. Olardan 100-den gowragy jemleýji tapgyra gatnaşmaga mümkinçilik gazandylar. Jemleýji tapgyrda dünýäniň 24 döwletinden gelen emin agzalar, bilermenler şeýle-de Türkmenistanyň ýokary okuw mekdepleriniň mugallymlary gatnaşyjylaryň taslama işlerini bahalandyrdylar.
Bäsleşigiň netijelerine laýyklykda, Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň 2-nji ýyl talyby Kadyrmyrat Öwezgylyjow baýrakly 2-nji orna hem-de kümüş medala mynasyp boldy. Kadyrmyrat innowasion tehnologiýa taslamalarynyň bäsleşigine ““FacePay” ýüz keşp arkaly elektron töleg ulgamy” atly taslamasy bilen gatnaşdy. Bu taslama işi “Sanly innowasiýa” ugry boýunça täzeçil, özgerdiji taslama işi hökmünde saýlanyldy. Taslama işine institutymyzyň Halkara ykdysady gatnaşyklary kafedrasynyň mugallymy Meýlis Nepesow ýolbaşçylyk etdi. Talybymyza tehnologiýa oýlap tapyş we sanly ylym ulgamyny özleşdirmekdäki işlerinde uly üstünlikleri arzuw edýäris.
Nursähet JOMARTOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.