Sylaglamak dabarasy geçirildi
2024-nji ýylyň 14-nji iýunynda ýokary okuw mekdebimizde Türkmenistanyň Bilim ministrliginiň we Türkmenistanyň Daşary işler ministrliginiň Halkara gatnaşyklary institutynyň bilelikde guramagynda 2024-nji ýylyň 22-25-nji maýy aralygynda Aşgabat şäherinde Merkezi Aziýa, Hazarýaka ýurtlarynyň, Türkiýe Respublikasynyň we Hytaý Halk Respublikasynyň ýokary okuw mekdepleriniň talyplarynyň we magistrantlarynyň arasynda geçirilen «Halkara gatnaşyklary: parahatçylyk dialogynyň medeniýeti» atly halkara bäsleşiginiň guramaçylyk işlerine işjeň gatnaşan mugallymlaryň we talyplaryň sylaglamak dabarasy geçirildi.
Sylaglamak dabarasyna institutymyzyň rektory J.Gurbangeldiýew gatnaşyp, «Halkara gatnaşyklary: parahatçylyk dialogynyň medeniýeti» atly halkara bäsleşiginiň ýokary derejede geçirilmegine goşant goşan mugallymlardyr talyplara minnetdarlyk bildirdi hem-de olara gymmat bahaly sowgatlary we Hormat hatlaryny gowşurdy.
Bu sylaglamak dabarasy institutymyzyň mugallymlaryny we talyplaryny hem hormatly Prezidentimiziň alyp barýan parahatçylyk söýüjilikli daşary syýasatyny, ata Watanymyzyň umumadamzat ähmiýetli başlangyçlaryny wagyz etmäge we olary durmuşa geçirmäge mynasyp goşant goşmaga ruhlandyrdy.
Gurbanmyrat AŞYROW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.