«Materiallaryň garşylygy» dersinden IV halkara Açyk internet olimpiadasy geçirildi
2025-nji ýylyň 18-nji martynda Türkmen döwlet binagärlik-gurluşyk instituty tarapyndan Türkmenistanyň ýokary okuw mekdepleriniň arasynda «Materiallaryň garşylygy» dersinden IV halkara Açyk internet olimpiadasy geçirildi. Oňa Türkmenistanyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň talyp ýaşlary gatnaşdylar.
Bäsleşigiň netijeleri boýunça Türkmenistanyň Daşary işler ministrliginiň Halkara ykdysady gatnaşyklary fakultetiniň II ýyl talyby Dawut Gezerow II orna mynasyp boldular.
Bäsleşik talyp ýaşlara özleriniň materiallaryň garşylygy dersi babatda bilimlerini artdyrmaga ýardam etdi.
Aýlar RUSLANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.