INSTITUTYŇ SPORT ULGAMYNDAKY TÄZE ÝEŇŞI
Sport adamzadyň sagdynlygynyň we bagtyýarlygynyň gözbaşy bolmak bilen, onuň durmuşynyň aýrylmaz bir bölegini düzýän pudak derejesine çenli ösdi. Biziň ýurdumyzda hem sportuň giň gerimde ösdürilmegi we ençeme üstünlikleriň gazanylmagy ugrunda Gahryman Arkadagymyzyň, Arkadagly Serdarymyzyň edýän tagallalarynyň çägi ýok. Türkmen diplomatiýasynyň milli mekdebinde bilim alýan talyp ýaşlar diňe bir hünär başarnyklaryny ele almak bilen çäklenmän, eýsem, türkmen sportunyň abraýyna goşant goşmakda hem özleriniň mynasyp başarnyklaryny görkezýärler.
Türkmenistanyň karatedo boýunça ýygyndy toparyny Aziýa çempionatyna gatnaşmak üçin 2023-nji ýylyň 6—10-njy noýabry aralygynda Gazagystanyň Almaty şäherinde geçirilen halkara sport ýaryşynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 1-nji ýyl talyby Rasul Atajanow III orna mynasyp bolmagy başardy. Talyp deň-duşumyzyň sport äleminde nobatdaky gazanan üstünligi hakykatdan hem, biz ýaşlara diňe bir ylym-bilim ulgamynda däl, eýsem sport giňişliginde hem ýerli we halkara bäsleşiklerine gatnaşyp, ukypdyr-başarnyklarymyzy ýüze çykarmaga uly mümkinçilik döredýär. Şeýle mümkinçilikleriň sakasynda duran Gahryman Arkadagymyzyň, Arkadagly Gahryman Serdarymyzyň janlary sag, belent başlary aman bolsun!
Suhrapjan POLATBAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 1-nji ýyl talyby.