ILÇI BILEN GEÇIRILEN DUŞUŞYK
2025-nji ýylyň 29-njy aprelinde Türkmenistanyň Daşary işler ministrliginiň Halkara gatnaşyklary institutynda Kolumbiýa Respublikasynyň Türkmenistanda täze bellenen ilçisi jenap Isidro Arenas Neýranyň gatnaşmagynda duşuşyk geçirildi. Onuň dowamynda hormatly myhman institutyň professor-mugallymlarynyň we talyp ýaşlarynyň öňünde çykyş etdi.
Ilçi ikitaraplaýyn gatnaşyklar, şol sanda halkara guramalaryň, ilkinji nobatda, BMG-niň çäklerinde ýola goýulan gatnaşyklar barada gürrüň berdi, şeýle hem talyp ýaşlar özlerini gyzyklandyrýan sowallara jogap aldylar.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.