«HALK HAKYDASY» ÝADYGÄRLIKLER TOPLUMYNA GEZELENÇ
2026-njy ýylyň 1-nji maýynda Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş ylymlary kafedrasynyň ýanynda hereket edýän «Paýhas we parasat» ylmy gurnagy bilen institutyň Ilkinji Ýaşlar guramasynyň bilelikde guramagynda «Halk hakydasy» ýadygärlikler toplumyna gezelenç guraldy. Oňa institutymyzyň mugallymlary we talyp ýaşlary gatnaşdylar.
Gezelençde talyplar Watan ugrunda şirin janlaryny gurban eden gerçekleriň, 1941-1945-nji ýyllaryň Beýik Watançylyk urşunda hem-de 1948-nji ýylyň 6-njy oktýabrynda bolup geçen Aşgabat ýer titremesinde wepat bolanlaryň hatyrasyna bagyşlanyp gurlan ýadygärlikleri ýakyndan synladylar. Oňa gatnaşanlar «Halk hakydasy» ýadygärlikler toplumynyň çäginde gurlan «Watan mukaddesligi» muzeýine hem baryp gördüler.
Gezelenjiň dowamynda taryhda Watanymyzyň asudalygy, halkymyzyň agzybirligi ugrunda janyny gurban edip, bizi şeýle eşretli durmuşa ýetiren beýik şahsyýetlerimize bagyşlanan ýadygärlikler synlanyp, olaryň geçen şöhratly we gahrymançylykly ýollary barada gyzykly maglumatlar diňlenildi. Munuň özi talyp ýaşlarda watansöýüjilik, ruhubelentlik ýaly asylly häsiýetleriň kemala gelmeginde möhüm ähmiýete eýe boldy.
Muhammet SÜLEÝMANOW,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy,
institutyň Ilkinji Ýaşlar guramasynyň başlygy