GÖRELDELI TALYPLARY SYLAGLAMAK DABARASY GEÇIRILDI
2024-nji ýylyň 8-nji maýynda Türkmenistanyň Daşary işler ministrliginiň Halkara gatnaşyklary institutynda 2024-nji «Pähim-paýhas ummany, Magtymguly Pyragy» ýylynyň dowamynda halkara bäsleşiklerde üstünlikli çykyş edip, baýrakly orunlara mynasyp bolan talyplary sylaglamak dabarasy geçirildi.
Olar 2024-nji ýylyň 2-nji ýanwarynda Özbegistan Respublikasynyň jogapkärçiligi çäkli “Scientific Academy” jemgyýeti tarapyndan Garaşsyz Döwletleriň Arkalaşygynyň çäklerinde geçirilen “Işjeň öwreniji: häzirki zaman bilim ulgamy, döwrebap üznüksiz bilim almagyň hilini ýokarlandyrmak” atly halkara ylmy-amaly maslahatyň dowamynda geçirilen halkara ylmy-amaly bäsleşige “My Eco City” atly ylmy işi bilen gatnaşyp, “Işjeň öwreniji” ýadygärlik nyşany, ýörite şahadatnama hem-de minnetdarlyk hata mynasyp bolan Halkara ykdysady gatnaşyklary fakultetiniň 3-nji ýyl talyby Kerim Serdarow; 2024-nji ýylyň 8-nji ýanwarynda Özbegistan Respublikasynyň Ýaragly Güýçleri Akademiýasy, Daşkent Maliýe we ykdysadyýet uniwersiteti, Ylmy gözlegler Merkezi we Özbegistanyň “Tadbirkor Aýol” işewür aýallary birleşigi tarapyndan Garaşsyz Döwletleriň Arkalaşygynyň çäklerinde geçirilen halkara ylmy we amaly bäsleşige “Bugdaý kepeginden bir gezeklik ulanylýan biodergirlenýän gap-gaçlary öndürmek” atly taslamasy bilen gatnaşyp “Ýörite hyzmatlary üçin” atly nyşana we hormat hata mynasyp bolan Halkara gatnaşyklary fakultetiniň 5-nji ýyl talyby Serdar Rahimow; 2024-nji ýylyň 3-8-nji marty aralygynda Halkara ynsanperwer ylymlary we ösüş uniwersitetinde geçirilen Açyk halkara matematika «Open Mathematical Olympiad for University Students (OMOUS)» olimpiadanyň netijeleri boýunça baýrakly orunlara mynasyp bolan Halkara ykdysady gatnaşyklary fakultetiniň talyplary M.Garabaýew, G.Penjiýew, A.Ballyýewa, J.Polatbaýew, O.Sähetmyradow, B.Hudaýberdiýewa hem-de Halkara gatnaşyklary fakultetiniň talyby A.Nedirow ýaly göreldeli talyplar sylaglandylar.
Dabarada sylaglanan bagtyýar talyplar ýaşlara döredilýän mümkinçilikler üçin Gahryman Arkadagymyza, Arkadagly Gahryman Serdarymyza bolan çäksiz minnetdarlyk sözlerini beýan etdiler.
Ogulşat GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
IV ýyl talyby.