"Atresmedia Television" media-topary Halkara gatnaşyklary institutynda myhmançylykda
Bilşimiz ýaly, dekabr aýynyň 7 – 21 aralygynda Watanymyzda Ispaniýa Patyşalygynyň "Atresmedia Television" media-toparynyň döredijilik toparynyň Türkmenistanyň ykdysady, baý taryhy we gözel ýerleri barada dokumental filmi surata düşürmek işleri alnyp barylýar. Bu saparyň çäklerinde döredijilik topary Türkmenistanyň gözel ýerlerinde myhmançylykda bolup, olary ýazgy edýärler.
13-nji dekabr güni "Atresmedia Television" media-topary Türkmenistanyň Daşary işler ministrliginiň Halkara gatnaşyklary institutyna gelip gördüler we bu ýerde döredilen mümkinçilikleri, talyplaryň okuw sapaklaryny ýazgy etdiler. Wekilýetiň agzalary guramaçylykly garşy alnyp, olaryň erkin ýazgy etmekleri üçin amatly şertler guraldy.
Daşary ýurtlaryň iri döredijilik toparlary bilen ýakyndan hyzmatdaşlygy ýola goýmaga, medeni gatnaşyklary işjeň alyp barmaga döredip berýän giň mümkinçilikleri üçin Gahryman Arkadagymyza, Arkadagly Serdarymyza tüýs ýürekden sag bolsun aýdýarys. Gahryman Arkadagymyzyň, Arkadagly Serdarymyzyň janlary sag, ömürleri uzak, alyp barýan tutumly işleri elmydama rowaçlyklara beslensin!
Aýşirin DÖWLETOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.