Aşgabatda “Agro Pack Turkmenistan 2024” halkara sergisi geçirilýär
2024-nji ýylyň 15-17-nji maý aralygynda Söwda-senagat edarasynda “Agro Pack Turkmenistan 2024” azyk önümçiliginiň döwrebap tehnologiýalarynyň halkara sergisi geçirilýär. Bu sergide, azyk önümçiliginiň enjamlary, gaplama önümleri we gaplama enjamlary, azyk önümleri we iýmit goşundylary, çörek we çörek önümleriniň tehnologiýalary, däne saklaýyş we degirmen ulgamlary, ýyladyşhana, bagçylyk we tokaýçylyk ugurlary, guşçulyk we maldarçylyk üçin niýetlenen enjamlar, oba hojalyk önümleri, tohumlar we dökünler, suwaryş ulgamlary ýaly ugurlar boýunça öz hyzmatlaryny hem-de önümlerini hödürleýärler. Mundan başga-da sergide senagat ulgamynda, himiýa önümçiliginde, söwda hem-de hyzmatlar pudagynda, milli senetçilikde, haly önümçiliginde iş alyp barýan kärhanalaryň önümleri görkezilýär.
Bu sergide azyk senagatynda soňky ýyllarda gazanylan üstünlikleri görkezmek, tejribe alyşmak we içerki we daşary ýurt öndürijileriniň arasynda işewür gatnaşyklar gurmak üçin platforma bolar. Ýeri gelende bellesek, bu sergä 100-den gowrak kärhana gatnaşýar, olardan daşary ýurtlaryň Belarusiýadan, Özbegistandan, Türkiýeden we Russiýadan gelen kompaniýalary işjeň gatnaşýarlar.
Wepa KARAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.