ARASSAÇYLYK DÜZGÜNLERINI BERJAÝ ETMEK BILEN BAGLY WAGYZ-NESIHAT DUŞUŞYGY
2026-njy ýylyň 9-njy noýabrynda Türkmenistanyň Daşary işler ministrliginiň Halkara gatnaşyklary institutynyň talyp ýaşlarynyň arasynda tertip-düzgün, milli ahlak ýörelgelerini, zyýanly endikleriň adam saglygyna ýetirýän zyýanyny düşündirmek, ýaşlaryň saglygy goramagyň we ömrüni uzaltmagyň netijeli ýollary, maşgalanyň sagdyn bolmagy, arassaçylyk kadalaryny berjaý etmekleri bilen bagly «Sagdyn durmuş ýörelgesi – saglygymyzyň kepili» ady bilen wagyz-nesihat duşuşygy geçirildi.
Duşuşygyň dowamynda Türkmenistanyň Saglygy goraýyş we Derman senagaty ministrliginiň Aşgabat şäher arassaçylyk we keselleriň öňüni alyş gullugynyň, Talyplar saglyk öýüniň, Ýokanç keselleri merkezleri müdiriýetiniň Milli AIDS-iň öňüni alyş merkeziniň, Aşgabat şäher arassaçylyk we keselleriň öňüni alyş gullugynyň zyýansyzlandyryş bölüminiň lukmanlary çykyş etdiler. Olar öz gezeginde ýurdumyzda ösüp gelýän ýaş nesliň zyýanly endiklerden daşda durmalydygy, saglygyň maşgaladan başlanýandygy, maşgala saglygyny ýurduň saglygyna deňelýändigi, sagdyn jemgyýeti kemala getirmegiň ähmiýeti dogrusynda gürrüň etdiler.
Aýperi PIRIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby