“Ýol hereketiniň howpsuzlygy — ömrümiziň rahatlygy”
Şeýle at bilen 2022-nji ýylyň 8-nji sentýabrynda Türkmenistanyň Daşary işler ministrliginiň Halkara gatnaşyklary institutynyň we Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap geňeşiniň, Türkmenistanyň Içeri işler ministrliginiň hem-de Türkmenistanyň saglygy goraýyş we derman senagaty ministrliginiň guramagynda wagyz-nesihat çäresi geçirildi. Oňa Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowa, Türkmenistanyň Içeri işler ministrliginiň Aşgabat şäheriniň Polisiýa müdirliginiň Berkararlyk etrap polisiýa bölüminiň wekili polisiýanyň kapitany Oguljan Gurbangulyýewa, Türkmenistanyň Içeri işler ministrliginiň 4-nji bölüminiň ATB-ça uly gözegçisi polisiýanyň maýory Nazar Osmanow, Türkmenistanyň saglygy goraýyş we derman senagaty ministrliginiň wekili, Türkmenistanyň Magtymguly adyndaky Ýaşlar guramasynyň Aşgabat şäher geňeşiniň Sanly ulgam boýunça esasy hünärmeni Ogulgurban Sapardurdyýewa gatnaşyp, institutyň professor-mugallymlarynyň we talyp ýaşlarynyň öňünde çykyş etdiler.
Bu wagyz-nesihat çäresiniň esasy maksady talyp ýaşlaryň arasynda sagdyn durmuş we milli ahlak ýörelgelerini ýaýbaňlandyrmak, ýol hereketiniň howpsuzlygyny berjaý etmek, kanun bozulmalaryň, jenaýatçylykly hereketleriň öňüni almakdan ybaratdyr.
Mähriban MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
ykdysady gatnaşyklary fakultetiniň
1-nji ýyl talyby.