YKDYSATÇY TALYPLARYŇ NOBATDAKY ÜSTÜNLIGI
Berkarar döwletimiziň täze eýýamynyň Galkynyşy döwründe biziň ýurdumyzda ýaşlaryň öz hünär bilimlerini berkitmekde we kämilleşdirmekde uly mümkinçilikler döredilýär. Şeýle mümkinçilikleriň biri-de talyp ýaşlaryň arasynda geçirilýän internet olimpiadalarydyr. Şolaryň biri hem, 2023-nji ýylyň 24-nji noýabrynda Türkmenistanyň döwlet energetika instituty tarapyndan «Statistika» dersi boýunça geçirilen bäsleşikdir. Bu bäsleşige institutymyzyň Halkara ykdysady gatnaşyklary kafedrasynyň uly mugallymy, fizika-matematika ylymlarynyň kandidaty Gaplaň Esenamanowyň ýolbaşçylygynda ýekeleýin tapgyrda Halkara ykdysady gatnaşyklary fakultetiniň 2-nji ýyl talyplary Gülöwser Rejepowa III orna, toparlaýyn tapgyrda bolsa Ogulnäzik Rahmanowa, Mahym Kakaýewa, Gülöwser Rejepowa III orna mynasyp boldular. Bäsleşigiň ýeňijilerine degişli diplomlar gowşuryldy. Biz talyplar üçin öz ukyp-başarnyklarymyzy ösdürmekde döredilýän mümkinçilikler üçin Gahryman Arkadagymyza, Arkadagly Gahryman Serdarymyza talyp kalbymyzyň hoşallygy çäksizdir.
Ogulnäzik RAHMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.