Ýaşlar syýasatyna bagyşlanan wagyz-nesihat çäresi
2022-nji ýylyň 17-nji maýynda Türkmenistanyň Daşary işler ministrliginiň Halkara gatnaşyklary institutynyň mejlisler zalynda Aşgabat şäher Berkararlyk etrap häkimliginiň institutyň jemgyýetçilik guramalary bilen bilelikde guramagynda wagyz-nesihat çäresi geçirildi. Gahryman Arkadagymyzyň ýaşlaryň gatnaşmagynda geçiren duşuşyk maslahatynyň ähmiýetini düşündirmäge, ýaşlar syýasaty boýunça milli kanunçylygy kämilleşdirmegiň meselelerine bagyşlanyp geçirilen wagyz-nesihat çäresine institutyň professor mugallymlary hem-de talyplary gatnaşdy. Çäräniň dowamynda Türkmenistanyň Daşary işler ministrliginiň Halkara gatnaşyklary institutynyň okuw işleri boýunça prorektory Gülşat Ýusupowa, Aşgabat şäher Polisiýa müdirliginiň Berkararlyk etrap Polisiýa müdirliginiň wekili, polisiýanyň kapitany O.Gurbangulyýewa, Berkararlyk etrap prokuraturasynyň derňew ugry boýunça kömekçisi, 2-nji derejeli ýurist B.Orazowa, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň Sanly ulgam boýunça esasy hünärmeni O.Sapardurdyýewa dagylar çykyş etdiler. Çykyş edenler Gahryman Arkadagymyzyň Ýaşlar syýasaty boýunça milli kanunçylygymyzy kämilleşdirmek boýunça ýaşlaryň gatnaşmagynda geçirilen duşuşyk maslahatynyň ähmiýeti barada hem-de ýaşlar syýasatyna girizilmegi teklip edilýän üýtgeşmeleriň barada gürrüň berdiler. Maslahatda çykyş edenleriň her biri hormatly Prezidentimiziň janynyň sag, ömrüniň uzak, döwletimizi mundan beýläk-de ösdürmek babatda alyp barýan ähli tutumlarynyň rowaç bolmagy arzuw etdiler.
Oguljahan Jobborowa,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.