ÝAŞ TALYBYMYZDAN ÝOKARY NETIJE
2023-nji ýylyň 29-njy sentýabrynda Türkmenistanyň Bilim ministrliginiň şeýle hem Türkmen döwlet ykdysadyýet we dolandyryş institutynyň bilelikde gurnamagynda ýurdumyzyň ähli ýokary okuw mekdepleriniň arasynda sanly ykdysadyýet boýunça onlaýn ders bäsleşigi geçirildi.
Bäsleşige ykdysadyýet ugurly baýry ýokary okuw mekdepleriniň talyplary hem işjeň gatnaşdylar.
Bu bäsleşikde Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň 2-nji ýyl talyby Kadyrmyrat Öwezgylyjow 1-nji orna mynasyp boldy.
Ylym-bilime höwesjeň, başarjaň talyplarymyzyň şeýle üstünlikleri gazanmagy Gahryman Arkadagymyzyň, şeýle hem Arkadagly Gahryman Serdarymyzyň ýaş nesiller babatda edýän aladalarynyň önjeýli subutnamasydyr.
Intizar TAGANNYÝAZOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.