ÝAŞ MATEMATIGIŇ NOBATDAKY ÜSTÜNLIGI
Ýurdumyzda ýaşlaryň ukyp-başarnygyny ýüze çykarmak maksady bilen dürli ugurlar boýunça geçirilýän ýerli we halkara bäsleşikleriň örän uly ähmiýeti bar. Çünki bu bäsleşikler geljekki hünärmeniň hünär bilimini we ussatlygyny ele almakda, inçe syrlaryny öwrenmekde, täze bilime, endiklere we ukyba eýe bolmak hem-de uly üstünlikler gazanmaga bolan mümkinçiligini döredýär.
Türkmen diplomatiýasynyň ýokary mekdebi bolan Türkmenistanyň Daşary işler ministrliginiň Halkara gatnaşyklary institutynyň 2-nji ýyl talyby Muhammetnur Garabaýew Polşa Respublikasynyň Katowiçe şäherinde geçirilen ýokary okuw mekdepleriniň talyplarynyň arasynda 2023-nji ýylyň 7-15-nji noýabry aralygynda geçirilen Matematika dersi boýunça Halkara toparlaýyn (International Students Team Competition in Mathematics ISTiM-2023) bäsleşigine gatnaşyp, toparlaýyn bäsleşikde II orna, ýekeleýin bäsleşikde hem II orna mynasyp bolmagy başardy. Geljekde diplomat käriniň eýesi boljak ýaşlaryň halkara derejede geçirilýän bäsleşiklerde ýokary netijeleri gazanmagy geljekde, olaryň hünär taýdan ähmiýetli bolan käbir psihiki häsiýetleri, şol bir wagtda olaryň arasyndaky özboluşly arabaglanyşyklary emele getirmekde we berkitmekde öz täsirini ýetirýär. Talybyň hünär bilimi hemişe ösüşde bolýar. Ol ösüşi bolsa ykdysadyýetiň esasy güýji hökmünde görýän we ony amala aşyrmaga mümkinçilik döredýän Gahryman Arkadagymyzyň, Arkadagly Gahryman Serdarymyzyň janlary sag bolsun, il-ýurt bähbitli, tutumly işleri elmydama rowaçlyklara beslensin!
Laçyn ANNAÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 2-nji ýyl talyby.