“Türkmenistanyň ulag diplomatiýasy – onuň taryhy, şu güni we geljegi” atly aýdym-sazly maslahat
2022-nji ýylyň 20-nji iýunynda Türkmenistanyň Daşary işler ministrliginiň Halkara gatnaşyklary instituty we Türkmenistanyň Inžener-tehniki we ulag kommunikasiýalary instituty bilen bilelikde “Türkmenistanyň ulag diplomatiýasy – onuň taryhy, şu güni we geljegi” atly aýdym-sazly maslahaty geçirildi. Oňa institutlaryň mugallymlary, talyplary we aýdym-saz toparlarynyň çeper höwesjeňleri gatnaşdylar.
Maslahatda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew, institutyň ylym işler boýunça prorektory Begenç Mätliýew, Türkmenistanyň Inžener-tehniki we ulag kommunikasiýalar institutynyň okuw işleri boýunça prorektory Gylyçmämmet Orazow, institutyň Jemgyýeti öwreniş ylymlary kafedrasynyň müdiri Gylyçmuhammet Joraýew, institutyň talyby Kerim Nurgeldiýew we «Türkmen Logistika» Assosiýasiýasynyň başlygynyň orunbasary Sähra Amanowa täsirli çykyş etdiler. Çykyş edenler “Türkmenistanyň Prezidentiniň ulag diplomatiýasyny ösdürmegiň 2022-2025-nji ýyllar üçin Maksatnamasyny” durmuşa geçirmegiň ähmiýeti we many-mazmuny barada giňişleýin bellediler. Şeýle-de maslahatyň dowamynda Türkmenistanyň diplomatiýasynyň möhüm ugurlary boýunça okuw merkezinde «Ulag diplomatiýasy» ugry boýunça okuw sapaklaryny üstünlikli tamamlan Türkmenistanyň Inžener-tehniki we ulag kommunikasiýalary institutynyň talyplaryna ýörite şahadatnamalary gowşurmak dabarasy boldy.
Maslahatda edilen tasirli çykyşlar, ýaňlanan ajaýyp aýdym-sazlar oňa gatnaşyjylarda uly täsir galdyrdy.
Şeker BATYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.
Şeýle hem bu barada şu ýerden okap bilersiňiz!