“TÜRKMENISTANYŇ DIPLOMATIK IŞGÄRLERINIŇ GÜNI” MYNASYBETLI SPORT ÇÄRESI GEÇIRILDI
2025-nji ýylyň 13-14-nji fewralynda Türkmenistanyň Daşary işler ministrliginiň Halkara gatnaşyklary institutynda “Türkmenistanyň diplomatik işgärleriniň güni” mynasybetli talyplaryň arasynda sportuň küşt, şaşka, stoluň üstünde oýnalýan tennis görnüşleri boýunça ýaryş geçirildi.
Talyplaryň sagdyn ruhly ýetişmekleri üçin geçirilýän sport çäreleri olaryň ukyp-başarnygyny, zähmet işjeňligini ýokarlandyrýar, sagdyn durmuş ýörelgeleriniň barha ýokarlanýandygyndan habar berýär.
Çekeleşikli geçen sport çäresinde sportuň 3 görnüşiniň netijesi boýunça Halkara gatnaşyklary fakulteti 1-nji orna, Halkara ykdysady gatnaşyklary fakulteti 2-nji orna, Halkara žurnalistikasy fakulteti 3-nji orna mynasyp boldular. Baýramçylyk mynasybetli geçirilen ýaryşlar sport äleminde sagdyn, berk bedenli ýaşlaryň kemala gelmegine uly itergi berýär.
Maksat ALYMBAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.