“Taryh – geljege şamçyrag” atly akyl-paýhas bäsleşigi geçirildi
2022-nji ýylyň 7-nji iýunynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň “Paýhas we parasat” gurnagy tarapyndan “ Taryh – geljege şamçyrag ” atly bäsleşik geçirildi. Bäsleşikde institutyň I ýyl talyplary dünýä ýurtlarynyň taryhy we daşary syýasaty boýunça dürli görnüşli soraglar boýunça bäsleşdiler.
Bäsleşik şu aşakdaky şertler boýunça geçirildi:
Tanyşdyrylyş (dürli dillerde);
Dürli soraglar;
Dünýä kartasyna syýahat;
Tabşyrylan tema boýunça prezentasiýa taýýarlamak (dürli dillerde);
Topar baştutanlarynyň bäsleşigi;
Toparlaryň bir-birine taýýarlan soraglary;
Tiz soraglar.
Bu bäsleşik talyplara dünýä döwletleriniň taryhy we daşary syýasaty boýunça öwrenenlerini açyp görkezmäge mümkinçilik döretdi. Bäsleşikde birinji orna Halkara ykdysady gatnaşyklary fakultetiniň talyplary mynasyp boldy.
Bäsleşikde ýeňiji bolan topara institutyň Halkara ykdysady gatnaşyklary fakulteti we “ Paýhas we parasat” gurnagy tarapyndan taýýarlanan ýörite sowgatlar gowşuryldy.
Wepa ARNAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.