SPORT BÄSLEŞIGI GEÇIRILDI
Türkmenistanyň hemişelik Bitaraplygynyň 29 ýyllygy hem-de Halkara Bitaraplyk güni mynasybetli 2024-nji ýylyň 9-10-njy dekabrynda Türkmenistanyň Daşary işler ministrliginiň Halkara gatnaşyklary institutynyň sport toplumynda Türkmenistanyň Bedenterbiýe we sport baradaky döwlet komiteti bilen Türkmenistanyň Daşary işler ministrliginiň bilelikde gurnamagynda sportuň futbol, woleýbol we stol tennisi görnüşleri boýunça ýokary derejede sport ýaryşlary geçirildi.
Bu ýaryşa ýurdumyzyň Daşary işler ministrliginiň işgärleriniň, Türkmenistanda akkreditirlenen diplomatik wekilhanalaryň we halkara guramalaryň ýolbaşçylary hem-de wekilleri gatnaşdylar.
Bäsleşik örän gyzykly we çekeleşikli geçip, oňa gatnaşan wekilleriň birnäçesi baýrakly orunlara mynasyp boldular. Ýeňiji bolanlara medallar, kuboklar hem-de gymmat bahaly ýadygärlik sowgatlary gowşuryldy.
Laçyn BEKMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.