OKUW SAPAGY GEÇIRILDI
2024-nji ýylyň 23-nji aprelinde Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň gurnamagynda Birleşen Milletler Guramasynyň Çagalar gaznasynyň (ÝUNISEF) Türkmenistan boýunça 2021-2025-nji ýyllar üçin Maksatnamasyny durmuşa geçirilişi, şeýle hem Türkmenistanyň Prezidentiniň kabul eden çözgütlerini kanunçylyk taýdan üpjün etmek boýunça ýurdumyzda ykdysady, maliýe, durmuş, önümçilik we beýleki wezipeler bilen bir hatarda, kanunçylyk ulgamyny kämilleşdirmek hem-de kanunçlylygy ösdürmekde ýetilen üstünlikler dogrusynda okuw sapagy geçirildi. Okuw sapagy Magtymguly adyndaky TDU-nyň Jenaýat hukugy kafedrasynyň mugallymy, halypa hukukçy Seitmet Baýamow alyp bardy. Bu sapaga ýokary okuw mekdebimiziň Halkara hukugy fakultetiniň talyp ýaşlary gatnaşdylar.
Bilşimiz ýaly, Türkmenistan çagalara sanjym geçirmek boýunça Merkezi Aziýa sebitinde öňde barýan döwlet hökmünde tanalýar. Şunuň bilen baglylykda, okuw sapagyň dowamynda gatnaşyjylar Döwlet Baştutanymyzyň ÝUNISEF tarapyndan eneligi we çagalygy goramakda, giň gerimli milli taslamalary durmuşa geçirmekde hem-de çagalaryň sanjymyny geçirmek boýunça alyp barýan işleriň çäklerinde taslamalary durmuşa geçirmekde berýän kömegi üçin aýratyn minnetdarlyk bildirdiler.
Reşit WELLANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara HUKUGY fakultetiniň I ýyl talyby.