MILLI MIRAS – NESILLERE GÖRELDE
2025-nji ýylyň 18-nji ýanwarynda Türkmenistanyň Daşary işler ministrliginiň Halkara gatnaşyklary institutynyň ilkinji zenanlar guramasynyň, Maýa Kulyýewa adyndaky Türkmen milli konserwatoriýasynyň ilkinji zenanlar guramasynyň şeýle-de Türkmenistanyň Magtymguly adyndaky Ýaşlar guramasynyň Merkezi Geňeşiniň, "Miras" teleýaýlymynyň bilelikde guramaklarynda "Milli miras – nesillere görelde" atly aýdym-sazly üme duşuşygy geçirildi. Oňa ady agzalan ýokary okuw mekdepleriniň talyp ýaşlary, mugallymlary we kümüş saçly mährem eneler gatnaşdylar.
Halkymyzyň gadymy ýörelgelerine eýerip geçirilen bu duşuşyga gatnaşyjylar türkmeniň medeni gymmatlyklary bolan el işleri, gadymy ene-mamalarymyzdan miras galan keşdeçilik sungatynyň taryhy hakynda aýdyp berdiler. Duşuşygyň ahyrynda myhmanlar Gahryman Arkadagymyzyň, Arkadagly Gahryman Serdarymyzyň medeni mirasymyzy, milliligimizi, sungatymyzy we däp-dessurlarymyzy gorap saklamakda we ösdürmekde alyp barýan nusgalyk işlerinde uly üstünlikleriň ýar bolmagyny arzuw etdiler.
Güljan SERDAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.