Magtymguly Pyragynyň döredijiligine bagyşlanan metbugat brifingi
2024-nji ýylyň 9-njy dekabrynda Türkmenistanyň Daşary işler ministrliginiň Halkara gatnaşyklary institutynda Gündogaryň nusgawy şahyry we beýik akyldary Magtymguly Pyragynyň doglan gününiň 300 ýyllygy mynasybetli «Garaşsyzlykda we Bitaraplykda ykbaly galkynan türkmen we Magtymguly Pyragynyň filosofiki garaýyşlary» atly metbugat brifingi geçirildi. Bu çäre institutyň Žurnalistikanyň nazaryýeti we amalyýeti kafedrasy hem-de «Ýaş žurnalistler» ylmy-döredijilik gurnagy tarapyndan bilelikde guraldy.
Metbugat brifingine türkmen diplomatiýasynyň milli mekdebiniň halypa mugallymlarydyr talyplary işjeň gatnaşdylar. Çykyş edenler dana şahyryň döredijiligi, edebi eserleriniň metbugat sahypalarynda şöhlelendirilişi hem-de ýaş nesilleri terbiýelemekdäki orny, halkara derejede beýik şahyra bagyşlanyp geçirilýän dabaralar barada giňişleýin söhbet etdiler. Brifinge gatnaşyjylar beýik söz ussady Magtymguly Pyragynyň edebi mirasyny bütin dünýäde dabaralandyrýan Gahryman Arkadagymyza hem-de Arkadagly Gahryman Serdarymyza hoşallyk sözlerini beýan etdiler.
Yslam GURBANMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.