Magtymguly Pyragynyñ doglan gününiň 300 ýyllygyna bagyşlanan döredijilik duşuşygy
2024-nji ýylyň 17-nji aprelinde Aşgabat şäherinde ýerleşýän Erkin döredijilik mekanynda «Watan» gazetiniñ redaksiýasynyň we Türkmen döwlet neşirýat gullugynyň bilelikde guramagynda beýik akyldar şahyr Magtymguly Pyragynyň doglan gününiň 300 ýyllygyna bagyşlanan döredijilik duşuşygy geçirildi. Oňa halypa ýazyjy-şahyrlar, gazet-žurnallarda zähmet çekýän döredijilik işgärleri, şeýle hem Türkmenistanyň ýokary okuw mekdeplerinde žurnalistika hünäri boýunça bilim alýan talyplar gatnaşdylar.
Bu döredijilik duşuşygynda, esasan, Gahryman Arkadagymyzyň, Arkadagly Gahryman Serdarymyzyň akyldar şahyrymyz Magtymguly Pyragyny dünýä tanatmakda, onuň eserlerini ýaşlarymyzyň arasynda wagyz etmekde halkara derejesinde alnyp barylýan işler dogrusynda çykyş etdiler. Şeýle hem duşuşykda Magtymguly adyndaky milli sazly drama teatrynyň we Maýa Kulyýewa adyndaky Türkmen Milli Konserwatoriýasynyň ussat bagşy-sazandalarynyň beýik şahyrymyz Magtymguly Pyragynyň sözlerine döredilen türkmen halk aýdymlaryny we kompozitor Ýagmyr Nurgeldiýewiň «Pyragy» sazyny ýerine ýetirmekleri çärä gatnaşyjylaryň ruhuny galkyndyrdy.
Beýik söz ussady Magtymguly Pyragynyň doglan gününiň 300 ýyllyk toýunyň belleniljek «Pähim-paýhas ummany Magtymguly Pyragy» ýylynda geçirilen bu dabaraly çäre uly many-mazmuna eýe boldy.
Aýna ÇARYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.