Katar döwletiniň Diplomatiýa institutynyň wekili bilen duşuşyk
2024-nji ýylyň 10-njy dekabrynda Türkmenistanyň Daşary işler ministrliginiň
Halkara gatnaşyklary institutynda Katar döwletiniň Diplomatiýa institutynyň
direktory Abdulaziz Mohamed Al-Horryň türkmen diplomatiýasynyň milli
mekdebine iş sapary boldy. Iş saparynyň dowamynda ilki bilen myhman institutyň
içinde hereket edýän Türkmen diplomatiýasynyň taryhy muzeýi, Hindi burçy,
"Parahatçylyk medeniýeti" atly ÝUNESKO kluby, Durnukly ösüş maksatlary
boýunça ylmy merkezi hem-de Türkmenistanyň diplomatiýasynyň möhüm
ugurlary boýunça okuw merkezi bilen tanyşdy.
Hormatly myhmanyň alyp barmagynda institutyň mugallymlarynyň we
talyplarynyň gatnaşmagynda umumy sapak geçirildi. Umumy sapagyň dowamynda
hormatly myhman Türkmenistan bilen Katar döwletiniň arasyndaky syýasy-
diplomatik hem-de ylym-bilim ugurlary boýunça üstünlikli alnyp barylýan
hyzmatdaşlygyň aýratynlyklary barada gürrüň berdi. Şeýle-de hormatly myhman
talyplary özüniň baý iş tejribesi bilen tanyşdyrdy.
Talyplar hormatly myhmana özlerini gyzyklandyrýan sowallar bilen
ýüzlendiler. Diplomatik gullugynyň baý tejribesine eýe bolan myhman özüne
berlen sowallara giňişleýin jogap bermek bilen, talyplara geljekki hünär
ugurlarynda ýokary derejelere eýe bolmaklaryny arzuw etdi.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.