Işjeň talyplaryň üstünligi
2023-nji ýylyň 23-28-nji apreli aralygynda Halkara ynsanperwer ylymlary we ösüş uniwersitetiniň gurnamagynda talyplaryň arasynda III Açyk halkara matematika olimpiadasy (OMOUS-2023) geçirildi. Bu olimpiada ilkinji gezek açyk görnüşde geçirilip, oňa daşary ýurtlaryň abraýly ýokary okuw mekdepleriniň talyplary Türkmenistana gelip gatnaşdylar. Olimpiada Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşyp, gowy netijeler görkezdiler. Şeýlelikde, Halkara ykdysady gatnaşyklary fakultetiniň 5-nji ýyl talyby Akmyrat Tirkeşow we 1-nji ýyl talyby Goçmyrat Penjiýew kümüş medala, 4-nji ýyl talyby Meýlis Hojamyradow, Jahangir Polatbaýew we 3-nji ýyl talyby Arazgül Ballyýewa bürünç medala mynasyp boldular. Mundan başga-da, topar ýaryşlarynda institutymyzyň 1-nji topary Akmyrat Tirkeşow, Arazgül Ballyýewa, Orazmyrat Sähetmyradow, Goçmyrat Penjiýew we 2-nji topary Jahangir Polatbaýew, Meýlis Hojamyradow, Begenç Aşyrow, Ýupar Egirjäýewa dagylar bürünç medala mynasyp boldular. Talyp deň-duşlarymyzyň bu üstünlikleri bizi has-da buýsandyrýar we olara okuwlarynda üstünlik arzuw edýäris.
Aýnur ŽANAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.
Bu barada şu ýerden
hem okap bilersiňiz:
https://salamnews.tm/section/ylym-bilim/bilim/asgabatda-gecirilen-halkara-matematika-olimpiadanyn-jemi-jemlendi-2b030e