“HÜNÄRIM─BUÝSANJYM” ATLY SERGI GURNALDY
2024-nji ýylyň 25-nji dekabrynda Türkmenistanyň Daşary işler ministrliginiň Halkara gatnaşyklary institutynda «Ýaş alymlar geňeşi» tarapyndan institutyň ylmy gurnaklary bilen bilelikde “Hünärim – buýsanjym” atly sergi gurnaldy. Sergä Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 37-nji orta mekdebinden, Annanyýaz Artyk adyndaky daşary ýurt dillerini çuňlaşdyryp öwredýän ýöriteleşdirilen 68-nji orta mekdebinden, Türkmenistanyň Gahrymany Gurbansoltan eje adyndaky ýöriteleşdirilen 72-nji orta mekdebinden, Ynsançylyk ugruny we daşary ýurt dili derslerini çuňlaşdyryp öwredýän ýöriteleşdirilen 76-njy orta mekdebinden hem-de Aşgabat şäher häkimliginiň 21-nji ýöriteleşdirilen okuw-terbiýeçilik mekdebinden okuwçylar gatnaşdy.
Sergide institutyň Halkara gatnaşyklary we diplomatiýa, Halkara hukugy, Halkara ykdysady gatnaşyklary we Halkara žurnalistikasy fakultetleriniň talyplary hünär aýratynlyklary bilen mekdep okuwçylaryny tanyşdyrdylar. Mekdep okuwçylary özlerini gyzyklandyrýan soraglaryna jogap aldylar. Şeýle çäreleriň guralmagy ýaşlaryň hünär saýlamaklarynda hem-de hünärlerine bolan söýgini artdyrmakda, ussat hünärmenler bolup ýetişmeklerinde uly ähmiýete eýedir.
Altyn BABYŞOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň IV ýyl talyby.