Gahryman Arkadagymyzyň “ Türkmenistanyň dermanlyk ösümlikleri” atly kitabynyň XIV tomunyň tanyşdyrylyş dabarasy geçirildi
17-nji oktýabrda Türkmenistanyň Daşary işler ministrliginiň Halkara gatnaşyklary institutynda Gahryman Arkadagymyz Gurbanguly Berdimuhamedowyň “ Türkmenistanyň dermanlyk ösümlikleri” atly täze kitabynyň XIV tomunyň tanyşdyrylyş dabarasy geçirildi. Dabaraly çärä Türkmenistanyň Daşary işler ministrliginiň Halkara gatnaşyklary institutynyň rektory, mugallymlary we talyp ýaşlary şeýle hem Myrat Garryýew adyndaky türkmen döwlet Lukmançylyk uniwersitetiniň mugallymlary gatnaşdylar.
Çäraniň maksady Gahryman Arkadagymyzyň täze kitaby bilen tanyşmak, şeýle hem esasy ylmy işiň dowamy bolan täze tomuň aýratyn ähmiýetini düşündirmekden ybarat bolup durýar. Çykyş edenleriň belleýşi ýaly, köp ýyllaryň dowamynda neşir edilen we köp daşary ýurt dillerine terjime edilen kitaplar diňe bir türkmen lukmanlary üçin däl, eýsem köp daşary ýurt hünärmenleri üçin ösümlik lukmançylygy boýunça iş gollanmasyna öwrüldi. Gurbanguly Berdimuhamedowyň ylmy işiniň täze göwrüminiň, öňki eserler ýaly köpçülikleýin neşir edilendigini bellemelidiris. Mazmunda ýurdumyzyň ajaýyp ýerleriniň reňkli suratlary, ösümlik atlarynyň rus-latyn türkmen sözlügi we dermanlyk çig mal ýygnamak barada bellenilip geçilýär. Täze neşiriň baplarynda ösümlikleriň gelip çykyşynyň gymmatly derman hazynasy hasaplanýan 118 sany dermanlyk ösümlikler barada doly we giňişleýin maglumat berilýär. Çäräniň ahyrynda tanyşdyryş dabarasyna gatnaşyjylaryň ählisi halkyň saglygyna, ýurdumyzyň gülläp ösmegine uly goşant goşýan Arkadagly Serdarymyza, Gahryman Arkadagymyza sag bolsun aýtdylar.
Aýna ÖWEZGELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.