GAHRYMAN ARKADAGYMYZYŇ «RUSSIÝA—YSLAM DÜNÝÄSI: KAZANFORUM—2024» XV HALKARA YKDYSADY FORUMYNDA EDEN TARYHY ÇYKYŞYNYŇ ÄHMIÝETINE BAGYŞLANAN MASLAHAT
2024-nji ýylyň 20-nji maýynda Türkmenistanyň Daşary işler ministrliginiň Halkara gatnaşyklary institutynda Türkmen halkynyň Milli Lideri, Türkmenistanyň Halk maslahatynyň Başlygy Gurbanguly Berdimuhamedowyň Russiýa Federasiýasynyň Tatarystan Respublikasyna amala aşyran iş saparyna we «Russiýa—Yslam dünýäsi: KazanForum—2024» XV halkara ykdysady forumynda eden taryhy çykyşynyň ähmiýetine bagyşlanan maslahat geçirildi.
Maslahata Türkmenistanyň Daşary işler ministrliginiň ýolbaşçylary we işgärleri, Türkmenistanyň Mejlisiniň wekilleri, institutyň professor-mugallymlary hem-de talyp ýaşlary gatnaşdylar. Maslahatda Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň, Türkmenistanyň Halk Maslahatynyň Diwanynyň Iş dolandyryjysynyň w.w.ý.ý., Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýerine ýetiriji direktory Rejep Bazarowyň, Türkmenistanyň Daşary işler ministrliginiň Halkara gatnaşyklary institutynyň rektory Jumamyrat Gurbangeldiýewiň, Türkmenistanyň Mejlisiniň Halkara we parlamentara aragatnaşyklar baradaky komitetiniň başlygy Kerimguly Geldiýewiň, Türkmenistanyň Inžener-tehniki we ulag kommunikasiýalary institutynyň ylmy işler boýunça prorektory Gulmet Penaýewiň, Türkmen döwlet ykdysadyýet we dolandyryş institutynyň mugallymy Arslan Gurbannazarowyň çykyşlary diňlenildi.
Maslahatda çykyş edenler strategik hyzmatdaşlyga esaslanýan türkmen-rus gatnaşyklary, türkmen-tatar doganlyk gatnaşyklary, Türkmenistanyň yslam dünýäsiniň ýurtlary bilen barha giňeýän söwda-ykdysady, bilim-medeni hyzmatdaşlygyň aýratynlyklary dogrusynda bellediler. Çykyş edenleriň belleýşi ýaly, Gahryman Arkadagymyzyň «Russiýa—Yslam dünýäsi: KazanForum—2024» XV halkara ykdysady forumynda Yslam başlangyjyny döretmek baradaky teklibi ýurdumyzyň oňyn Bitaraplyk syýasatynyň ýörelgeleriniň, BMG-de Türkmenistanyň başlangyjy bilen kabul edilýän Kararnamalaryň ähmiýetiniň diňe dünýäde ählumumy parahatçylygy, durnukly ösüşi üpjün etmäge gönükdirilendiginiň aýdyň beýanydyr.
Maslahatyň ahyrynda oňa gatnaşyjylar Gahryman Arkadagymyzyň Russiýa Federasiýasynyň Tatarystan Respublikasyna amala aşyran iş saparynyň üstünlikli jemlenmegi bilen tüýs ýürekden gutladylar. Gahryman Arkadagymyza, Arkadagly gahryman Serdarymyza berk jan-saglyk, ählumumy parahatçylygyň hatyrasyna öňe sürýän daşary syýasy başlangyçlarynda rowaçlyk arzuw etdiler.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.