GAHRYMAN ARKADAGYMYZYŇ «HAKYDA GÖWHERI» ESERINE BAGYŞLANAN DUŞUŞYK
2025-nji ýylyň 4-njy iýunynda Türkmenistanyň Daşary işler ministrliginiň Halkara gatnaşyklary institutynda Gahryman Arkadagymyzyň «Hakyda göwheri» atly edebi-filosofik eseriniň terbiýeçilik ähmiýeti barada talyp gyzlaryň arasynda duşuşyk geçirildi.
Bu duşuşyga Türkmenistanyň Döwlet medeniýet merkeziniň Döwlet kitaphanasynyň halypa kitaphanaçysy, Türkmenistanyň Zenanlar birleşiginiň Merkezi Geňeşiniň işjeň agzasy Bibigözel Mämmedowa hem-de Aşgabat şäheriniň 51-nji orta mekdebiniň mugallymy, Türkmenistanyň Zenanlar birleşiginiň Merkezi Geňeşiniň işjeň agzasy Ogulnabat Owlakowa, şeýle-de institutyň talyplary we mugallymlary gatnaşdylar.
Duşuşykda türkmen halkynyň Milli Lideriniň ylmy-filosofik eserleri ýaş nesilleri watançylyk, belent ahlaklylyk, ýokary ynsanperwerlik ruhunda terbiýelemekde gymmatly hazynadygyny bellediler.
Maslahatyň ahyrynda oňa gatnaşyjylar ösüş-özgertmelere beslenen döwrümizde ajaýyp kitaplaryny halkymyza sowgat edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýürekden alkyş sözlerini beýan etdiler.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.