EFIOPIÝA FEDERAL DEMOKRATIK RESPUBLIKASYNYŇ TÜRKMENISTANDAKY ADATDAN DAŞARY WE DOLY YGTYÝARLY ILÇISINIŇ GATNAŞMAGYNDA UMUMY OKUW SAPAGY GEÇIRILDI
2024-nji ýylyň 13-nji dekabrynda Türkmenistanyň Daşary işler ministrliginiň Halkara gatnaşyklary institutynda Efiopiýa Federal Demokratik Respublikasynyň Türkmenistandaky Adatdan daşary we Doly ygtyýarly Ilçisi jenap Jemal Beker Abdullanyň gatnaşmagynda umumy okuw sapagy geçirildi. Okuw sapagyna Türkmenistanyň Daşary işler ministrliginiň Halkara gatnaşyklary institutynyň mugallymlary we talyp ýaşlary gatnaşdylar.
Ilçi okuw sapagynyň dowamynda Türkmenistan bilen Efiopiýa Federal Demokratik Respublikasynyň arasynda alnyp barylýan ikitaraplaýyn gatnaşyklar, syýasy-diplomatik, medeni-ynsanperwer ugurlar boýunça ýetilen sepgitler we durmuşa geçirilýän işler barada, şeýle hem özüniň baý iş we durmuş tejribesi hakynda gyzykly gürrüňler berdi.
Täsirli geçen okuw sapagynyň dowamynda talyplar ilçä özlerini gyzyklandyrýan sowallary berdiler.
Şasenem MEÝLISOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.