Gadymy Nusaý galasyna gyzykly gezelenç
2025-nji ýylyň 24-nji martynda Türkmenistanyň Daşary işler
ministrliginiň Halkara gatnaşyklary institutynyň “Paýhas we parasat” atly ylmy
gurnagynyň we Ýaş diplomatlar mekdebiniň agzalary bolan mekdep
okuwçylarynyň gatnaşmagynda “Nusaýyň Parfiýa galalary” döwlet medeni-
taryhy ýadygärligine gezelenç gurnaldy. Talyplar we mekdep okuwçylary bu
ýerde beýik döwletleriň biri bolan Parfiýa döwletiniň maddy medeniýetini we
sungatyny özüniň arheologiýa gatlaklarynda saklan Köne we Täze Nusaý
galalary bilen tanyşdylar.
Gezelenjiň dowamynda Jemgyýeti öwreniş ylymlary kafedrasynyň
mugallymy Gahryman Arkadagymyzyň “Hakyda göwheri” atly kitabynyň
“Bürünç zamanynyň medeni ojaklary” atly bölüminden gatnaşyjylara örän
gyzykly maglumatlary gürrüň berdi.
Gadymy ýadygärliklere guralan gezelenç talyplarda we okuwçylarda
taryhymyza, ata-babalarymyza, milli aýratynlyklarymyza bolan buýsanç
duýgularyny döretdi.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.