ZENAN KAZYLARYNYŇ HALKARA GÜNI
Zenanlar jemgyýetiň ähli ugurlarynda möhüm orna eýedirler. Olar diňe bir jemgyýete we maşgala däl, eýsem hukuk pudagyna-da möhüm goşant goşýarlar.
2021-nji ýylda BMG-niň Baş Assambleýasy tarapyndan 10-njy mart ─ Zenan kazylarynyň halkara güni diýlip yglan edildi. Bu sene zenan kazylaryň adalat ulgamynda möhüm ornuny ykrar etmek maksady bilen döredilip, dünýädäki kazyýet ulgamlarynda gender deňliginiň ähmiýetine ünsi çekýär. Şeýle hem kazyýetiň ähli derejelerinde zenanlaryň doly we deň derejede gatnaşmagyna kömek edýär. Dünýä döwletleri bu senäni 2022-nji ýyldan bäri bellemek bilen, kazyýet ulgamyna degişli ugurlarda milli strategiýalary, meýilnamalary işläp düzýärler we durmuşa geçirýärler.
Zenan kazylarynyň kazyýetlerde dürli wezipelerde işlemekleri bu ulgamy has-da kämilleşdirmek üçin oňyn ädimdir. Zenan kazylarynyň halkara güni geljekki ýaş nesilleri kazyýet işlerinde işlemäge ruhlandyrýar. Bu günüň ähmiýeti adalat dolandyryşynda ähli sesleriň wekilçilik edilýän has adalatly we deň dünýä gurmagyndan ybaratdyr.
Aknabat DURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 3-nji ýyl talyby.