ÝHHG tarapyndan geçirilen okuw maslahaty
2022 – nji ýylyň 21-23 – nji noýabry aralygynda Türkmenistanyň Daşary işler ministrliginiň Halkara gatnaşyklary institutynda Ýewropada Howpsuzlyk we Hyzmatdaşlyk Guramasynyň guramagynda sanly wideoaragatnaşyk arkaly “OSCE Guramasy barada habarlylygy ýokarlandyrmak” atly taslamanyň çäklerinde okuw maslahaty geçirildi.
Bu okuw maslahaty Türkmenistanyň Daşary işler ministrliginiň we ÝHHG – niň Aşgabatdaky Merkeziniň guramagynda geçirilip, onuň esasy maksady ýurdumyzyň ýokary okuw mekdepleriniň talyplarynyň Ýewropada Howpsuzlyk we Hyzmatdaşlyk Guramasynyň düzüm birlikleri we olaryň alyp barýan işleri barada bilimlerini artdyrmakdyr. Bu maslahata Türkmenistanyň Daşary işler ministrliginiň Halkara gatnaşyklary institutynyň we Halkara ynsanperwer ylymlary we ösüş uniwersitetiniň mugallymlary we talyp ýaşlary gatnaşdylar. Maslahatda ABŞ- nyň halkara eksperti Ida Manton okuw sapagyny geçdi. Maslahatyň dowamynda ÝHHG – niň alyp barýan işleri we onuň Merkezi Aziýada tutýan orny barada pikir alşyldy.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
I ýyl talyby.