Türkmen bedewiniň milli baýramyna bagyşlanan duşuşyk
2022-nji ýylyň 20-nji aprelinde Türkmenistanyň Daşary işler ministrliginiň Halkara gatnaşyklary institunda Türkmen bedewiniň milli baýramyna bagyşlanyp Halkara ykdysady gatnaşyklary kafedrasynyň guramagynda okuw-terbiýeçilik ähmiýetli duşuşyk geçirildi. Oňa Halkara ykdysady gatnaşyklary kafedrasynyň mugallymlary we talyp ýaşlary gatnaşdylar.
Duşuşykda çykyş edenler halkymyzyň atçylyk sungatyny dünýä ýaýmakda Gahryman Arkadagymyzyň «Ahalteke bedewi — biziň buýsanjymyz we şöhratymyz», «Ganatly bedewler», «Gadamy batly bedew» atly kitaplarynyň uly ähmiýetiniň bardygyny nygtadylar. Olaryň aýtmagyna görä, bu ajaýyp kitaplar Berkarar döwletiň täze eýýamynyň galkynyşy döwründe ahalteke bedewlerini dünýä halklarynyň guwanjyna we şöhratyna öwürmekde uly işler alnyp barylýar.
Duşuşygyň barşy mugallymlar we talyp ýaşlaryň sorag–jogap alyşmaklaryna utgaşdy.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.