TÄSIRLI GEÇEN ÇEPER OKAÝYŞ BÄSLEŞIGI
2022-nji ýylyň 25-nji iýunynda Türkmenistanyň Daşary işler ministrliginiň Halkara gatnaşyklary institutynda “Lingvo World”, “Ýaş diplomatlar” hem-de “Paýhas we parasat” ylmy gurnaklarynyň gurnamagynda Gahryman Arkadagymyzyň “Ýaşasyn parahat durmuş!” atly ylmy-filosofiki çagyryşynyň ähmiýetine bagyşlap institutyň talyplarynyň arasynda daşary ýurt dillerinde şygyr bäsleşigi geçirildi.
Bäsleşige institutymyzyň “Lingvo World”, “Ýaş diplomatlar”, “Ýaş žurnalistler” hem-de “Paýhas we parasat” ylmy gurnaklarynyň agza talyplary işjeň gatnaşdylar. Bäsleşige gatnaşyjy talyplar dürli dillerde parahatçylyk, dostluk, agzybirlik temasy boýunça goşgulary okap, özleriniň daşary ýurt dillerini öwrenmekdäki başarnyklaryny görkezdiler. Şeýle-de Gahryman Arkadagymyzyň hem-de hormatly Prezidentimiziň parahatçylyksöýüjilik, ynsanperwerlik, asudalyk, agzybirlik, dostluk hakyndaky garaýyşlaryny dürli dillerde beýan etdiler. Bu bäsleşige talyplar işjeň gatnaşmak bilen, özleri üçin köp täze zatlary öwrendiler. Täsirli geçen çeper okaýyş bäsleşiginiň gurnalmagy talyplarda dil we sözleýiş endiklerini ösdürmäge, talyplaryň daşary ýurt dillerini söýüp öwrenmäge, ukyp-başarnyklaryny ýüze çykarmaga, özbaşdak pikirlenmek, işlemek endiklerini artdyrmaga we parahat durmuşyň ähmiýetini wagyz etmäge ýardam etdi.
Jemal REMATULLAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.