Strategik merkezde täze hyzmatdaşlyk
2022-nji ýylyň 15-nji martynda Türkmenistanyň Daşary işler ministrliginiň Halkara gatnaşyklary institutynyň düzümindäki Strategik barlaglar boýunça ylmy merkeziň we Azerbaýjan Respublikasynyň Halkara gatnaşyklaryny seljerme Merkeziniň wekilleriniň arasynda göni wideo aragatnaşyk arkaly duşuşyk geçirildi. Türkmenistanyň Azerbaýjan Respublikasyndaky Ilçihanasynyň guramagynda geçirilen bu wideo aragatnaşyga iki ýurduň ugurdaş merkezleriniň wekilleri gatnaşdylar.
Duşuşygyň barşynda türkmen tarapy 2021-nji ýylyň 9-njy iýulynda Türkmenistanyň Daşary işler ministrliginiň Halkara gatnaşyklary institutynyň düzüminde Strategik barlaglar boýunça ylmy merkeziň döredilendigi, onuň alyp barýan işleri we geljekde göz öňünde tutulýan konseptual maksatlaýyn wezipeleri barada belläp geçdi.
Şeýle hem taraplar geljekde diplomatik wekilhanalaryň ýardam bermegi esasynda merkezleriň arasynda degişli hyzmatdaşlygy işjeňleşdirmek baradaky ylalaşyklaryň gol çekilmegiň, özara maglumat alşylmagyň, sebitiň derwaýys meseleleri boýunça duşuşyklaryň yzygiderli geçirilmegiň göz öňünde tutulýandygyny nygtadylar.
Aýlar ATAJYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Şeýle hem bu barada şu ýerde okap bilersiňiz: