Sport — parahatçylygyň ilçisi
2023-nji ýylyň 7-nji aprelinde Türkmenistanyň Daşary işler ministrliginiň Halkara gatnaşyklary institutynda Bütindünýä saglyk güni mynasybetli köpçülikleýin bedenterbiýe we sagdyn-durmuş ýörelgeleri bilen bagly medeni çäreler geçirildi. Oňa bu ýokary okuw mekdebiniň talyp ýaşlary hem-de mugallymlary gatnaşdy.
Türkmenistanyň Daşary işler ministrliginiň Halkara gatnaşyklary institutynda geçirilen sport bäsleşikleri özüniň belent ruhubelentligi bilen tapawutlandy. Ýeri gelende belläp geçsek, talyplaryň gatnaşmagynda geçirilen welosipedli ýöriş, küşt we şaşka oýunlary, sportuň gandbol, ýeňil atletika görnüşleri boýunça guralan ýaryşlar ýaşlaryň sporta bolan söýgüsini dolulygyna açyp görkezdi. Bilşimiz ýaly, hormatly Prezidentimiziň baştutanlygynda ýurdumyzda ýaş nesliň sport bilen meşgullanmagy üçin giň mümkinçilikler döredilýär. Bu döredilýän mümkinçilikler türkmen türgenlerine halkara derejeli bäsleşiklerde baýrakly orunlary almaga uly ýardam edýär.
Gurbansähet GURBANSÄHEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.