Seminar geçirildi
2022-nji ýylyň 31-nji martynda Türkmenistanyň Daşary işler ministrliginiň Halkara gatnaşyklary institutyndaky Türkmenistanyň diplomatiýasynyň möhüm ugurlary boýunça okuw merkezinde «Emläge baha kesmek» atly seminar geçirildi. Institutyň Halkara ykdysady gatnaşyklary kafedrasy tarapyndan gurnalan maslahata institutyň mugallymlary we “Ýaş ykdysatçylar” ylmy gurnagynyň agzalary gatnaşdylar.
Okuw sapagynda çykyş eden tehniki ylymlaryň kandidaty, dosent Öwezmyrat Bäşimow halkara ykdysady gatnaşyklarynda ýüze çykýan jedelli meseleleri çözmekde resminamalaryň orny, okuw seminaryna ugurdaky dünýä tejribeleri barada gürrüň berdi.
Okuw seminaryna Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň talyplary işjeň gatnaşyp, ara alnyp maslahatlaşylan mesele boýunça sorag-jogap görnüşinde geçirildi. Talyplar üçin okuw seminary örän täsirli boldy.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby