«PARAHATÇYLYGYŇ ÝAŞ ÇAPARLARY» AKYL-PAÝHAS BÄSLEŞIGINIŇ V MÖWSÜMI
Türkmen halkynyň Milli Lideri Gahryman Arkadagymyzyň ýörite karary bilen Türkmenistanyň Daşary işler ministrliginiň Halkara gatnaşyklary institutynda döredilen Ýaş diplomatlaryň gurnamagynda geçirilýän «Parahatçylygyň ýaş mekdebiniň çaparlary» atly akyl-paýhas bäsleşiginiň 2025-2026-njy okuw ýylynda V möwsüminiň başlanýanlygyny mälim edýäris.
Bu möwsümde okuwçylar ýazmaça görnüşinde 100 sany test soraglaryna jogap bermek esasynda saýlanylar. Test sowallary orta mekdepleriň 9-11-nji synplarynyň Türkmenistanyň taryhy, dünýä taryhy, Türkmenistanyň medeni mirasy, Dünýä medeniýeti, iňlis dili, rus dili derslerinden bolar. Şeýle hem okuwçylaryň pikirlenişini barlamak maksady bilen akyl-paýhas (IQ, logiki) soraglary hem bolar.
“Parahatçylygyň ýaş çaparlary” atly akyl-paýhas bäsleşigine ýurdumyzyň 10-11-12-nji synp okuwçylary gatnaşyp biler. Bäsleşige gatnaşmak isleýän okuwçylar bilen saýlama test synagy 2025-nji ýylyň 22-nji sentýabrynda geçiriler. Bäsleşige gatnaşmaga isleg bildirýän 10-11-12-nji synp mekdep okuwçylary özleri baradaky maglumatlary 2025-nji ýylyň 15-nji sentýabryna çenli möhletde şu e-mail salga ibermeli: parahatchylygynchaparlary@gmail.com
Maglumatlar şu aşakdaky tertipde ýazylmaly:
1.Şahsy maglumatlary (Ady we familiýasy, anyk ýaşaýan salgysy, okaýan mekdebi we synpy, öý we el telefon belgileri, elektron salgysy, mekdep formasynda resminama üçin düşülen 3x4 ölçegdäki suraty hem goşmak bilen);
2. Okuwda, döredijilikde we bäsleşiklerde gazanan üstünlikleri;
3. Bilýän hem-de öwrenmegi dowam etdirýän daşary ýurt dilleri;
4.Gyzyklanýan bilim ugurlary, gowy görýän güýmenjeleri we.ş.m.
Guramaçylyk topary
«Parahatçylygyň ýaş mekdebiniň çaparlary» atly akyl-paýhas bäsleşiginiň 2025-2026-njy okuw ýylynda geçiriljek V möwsüminiň şygarynyň teklip edilýän görnüşleri:
Garaşsyz we Bitarap Türkmenistan – parahatçylyk syýasatynyň hem-de özara ynanyşmak dialogynyň merkezi!