NOBATDAKY HALKARA ÜSTÜNLIK
Berkarar döwletiň täze eýýamynyň Galkynyşy döwründe ýaşlar syýasatyny üstünlikli durmuşa geçirmek, bilim ulgamynyň sanlylaşdyrylmagynyň depginini artdyrmak maksady bilen, ýurdumyzda we daşary ýurtlarda geçirilýän sanly ulgam arkaly bäsleşiklere ýaş mugallymlarymyz yzygiderli gatnaşýarlar. Bu babatda Türkmenistanyň Daşary işler ministrliginiň Halkara gatnaşyklary institutynyň ýaş mugallymlarynyň gazanýan üstünlikleri hem aýratyn bellenilmäge mynasypdyr.
2024-nji ýylyň 25-nji aprelinde Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy Sülgün Nepesowa Özbegistan Respublikasynyň jogapkärçiligi çäkli “Scientific Academy” jemgyýeti tarapyndan Garaşsyz Döwletleriň Arkalaşygynyň çäklerinde geçirilen «Işjeň ylmy barlagçy: döwrebap bilim ulgamyny, häzirki zaman üznüksiz bilimiň hilini ýokarlandyrmak» atly halkara ylmy-amaly maslahatyň dowamynda geçirilen halkara ylmy-amaly bäsleşige «Protect Ecology» atly ylmy işi bilen gatnaşyp, «Işjeň öwreniji» ýadygärlik nyşany, ýörite şahadatnama hem-de minnetdarlyk haty bilen sylaglanyldy.
Ýaş mugallymlara şeýle halkara bäsleşiklere gatnaşmaga döredip berýän mümkinçilikleri Gahryman Arkadagymyza, Arkadagly Gahryman Serdarymyza köp sagbolsun aýdýarys.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.